Ostschweiz

D Ostschwyz bestoot us de Kantön Schaffhuuse, Thurgau, Sanggalle, de beide Halbkantön Appezäll Osserrhode und Innerrhode, Glarus und em Bündnerland.^[1]

S Zentrum vo de Ostschwyz isch d Stadt Sanggalle. D Ostschwyz bildet en Teil vo de Gränze zu Süd-Dütschland, Liechtestei und em Öschtrichische Voralbärg. Bsunders dr Grossruum Bodesee bildet e wirtschaftlichi Einheit. S Ostschwyzerdütsch isch e Sitelinie vom Schwyzerdütsche und lot sich klar vo anderne Schwyzer Dialäkt unterscheide. Innerhalb vom Ostschwyzerdütsche gits natürlich au nomol regionali und lokali Unterschiid.

1. ↑ Bundesamt för Statistik (1999): Die sieben Grossregionen der Schweiz: Die Schweiz im europäischen Regionalsystem, Prässemittailig