Peking

北京市 Běijīng Shì Peking
Peking
Koordinate	39° 55′ N, 116° 24′ O39.913888888889116.39166666667Koordinate: 39° 55′ N, 116° 24′ O
Basisdate
Staat	China
Regierigsummiddelbari Stadt	Peking
Vorlage:Infobox Ort/Wartung/ISO
Höchi	63 m
Flechi	16.807,8 km²
Iiwooner	19.612.000 (2011)
Dichti	1.166,8 Ew./km²
Website	www.ebeijing.gov.cn
Politik
Burgermeischter	Wang Anshun (kommissarisch)
Sustigs
Gliiderig uf Kreisebeni:	14 Stadtbezirk, 2 Kräis
Gliiderig uf Gmäindiebeni:	144 Groossgmäinde, 140 Stroossekwardier, 33 Gmäinde, 5 Nazionalidäätegmäinde
Bostläitzaale:	100000–102600
Zitzoone:	China Standard Time (UTC+8)Vorlage:Infobox Ort/Wartung/Anmerkung

Peking (chin. 北京, Běijīng, W.-G. Pei-ching, Aussprache in Hochchinesisch^ⓘ/?, däilwiis au im Dütsche: Beijing) isch d Hauptstadt vo dr Volksrepublik China und cha uf e Gschicht vo mee as dreiduusig Joor zrugluege. Dr Naame bedütet Nördligi Hauptstadt (vgl. Nanking für Südligi Hauptstadt). Peking isch hüte e regierigsummiddelbari Stadt, das häisst, si isch diräkt dr staatlige Zentralregierig understellt und eso uf dr gliiche Stuefe wie Browinze, autonomi Gebiet und Sonderverwaltigszoone.

S Verwaltigsgebiet vo Peking isch 16'807 Quadratkilometer grooss und het 17,6 Millioone Iiiwohner (am Ändi vom Joor 2009). Es isch nid e zämmehängends Stadtgebiet, die dominierendi Siidligsstruktur isch ländlig und cha mit ere Browinz vergliiche wärde.^[1] Vo dr Gsamtbevölkerig si 11,8 Millioone registrierti Bewooner mit ständigem Woonsitz (戶口 / 口, hùkǒu) und 3,7 Millioone temporäri Iiwooner (流動人口 / 流动人口, liúdòng rénkǒu) mit ere befristete Ufenthaltsgenäämigung (居住證 / 暂住证, zànzhùzhèng). Wemm mä d Kärnstadt mit iirer hooche Bebauigsdichdi und gschlossene Ortsform as Grundlaag nimmt, häi 7,7 Millioone Lüt iire Hauptwoonsitz z Peking (2007).^[2] Dr Balligsruum, wo d Vorort iischliesst, het 11,8 Millioone Iiwooner (2007).^[3]

Peking isch as d Hauptstadt s politische Zentrum vo China. Wäge siner lange Gschicht het d Stadt en imposants Kultuurerb. Seenswärt si dr Tiananmen-Blatz (chinesisch Blatz vom Door vom himmlische Friide), die Verboteni Stadt mit em ehemoolige Kaiserbalast, wo 1987 vo dr UNESCO zum Wältkultuurerb erkläärt worden isch, dr nöiji und dr alti Summerbalast und verschiideni Tämpel, wie z. B. dr Himmelstämpel, dr Lamatämpel und dr Konfuziustämpel. Im Joor 2008 si z Peking die Olümpische Sümmerspiil abghalte worde.

1. ↑ World Gazetteer: Bevölkerigszaale im administrative Stadtgebiet
2. ↑ World Gazetteer: Bevölkerigszaale in dr Kärnstadt
3. ↑ World Gazetteer: Bevölkerigszaale im Balligsruum