Pierre-Joseph Proudhon

Dr Pierre-Joseph Proudhon [ˈpjɛʀ ʒoˈzɛf pʀuˈdɔ̃] (* 15. Januar 1809 z Besançon; † 19. Januar 1865 z Passy, Bariis) isch e franzöösische Ökonoom und Sozioloog gsi. Er gältet as äine vo de erste Verdräter vom Anarchismus und het sich drfür iigsetzt, ass d Usbütig abgschafft und d Regierig vo de Mensche dur Mensche iigfüert wurd.^[1]

Vilmol wird dr Satz „Äigedum isch Diebstaal“^[2] us sim Wärk Qu’est ce que la propriété? Ou recherches sur le principe du droit et du gouvernement zitiert. Dr Satz stammt aber ursprünglig nit vom Proudhon, sondern vom Jacques Pierre Brissot.

Dr Proudhon isch z diefst rassistisch gsi. Dr amerikanisch Historiker J. Salwyn Schapiro het dr Proudhon 1945 im ene Ardikel as e Vorlöifer vom Faschismus bezäichnet. Dr Proudhon isch Antisemit gsi und het in de Juude die wichdigsti Kwelle für s Unglück vo dr Nazion gsee. Si Rassismus isch au in dr Beschriibig vo de Schwarze as minderwärtigi Rasse zum Usdruck choo. Er het dr Chrieg verheerlicht und das isch en integrale Däil vo sinere Sozialfilosofii gsi.^[3]

Au d Fraue si in sine Auge minderwärtig gsi. D Rolle won er dr Frau gloo het, isch die von ere Familiefürsorgere gsi.

Die, wo sini Theorie witer entwigglet häi, wärde mänggisch as Proudhoniste bezäichnet.

1. ↑ Werke II, S. 387.
2. ↑ Was heißt Eigentum? Oder: Untersuchungen über die Grundlagen von Recht und Staatsmacht. Franzöösischi Originalusgoob 1840
3. ↑ The American Historical Review, Vol. 50, Nr. 4 (Juli 1945), S. 714–737