Schweineartige

Seiartigi

Systematik

Chlass:	Suuger (Mammalia)
Underchlass:	Hecheri Suuger (Eutheria)
Überordnig:	Laurasiatheria
	Cetartiodactyla
Ordnig:	Paarhuefer (Artiodactyla)
Underordnig:	Seiartigi

Wüsseschaftlige Name

Suina

Gray, 1868

D Seiartige (Suina), au „Nitdaier“ (Nonruminantia) gnännt, sin e Unterornig vu dr Baarhuefer. Si zaichne sich im Verglych zue dr Schwiilesohler un dr Daier dur e relativ gringi Spezialisierig uus. Ihre Mage isch zwoo- oder dreichammerig un nit zum Daie gaignet. Zue dr Seiartige ghere zwoo rezänti Familie, di Altwält- oder Ächte Sei (Suidae) un d Neiwält- oder Nabelsei (Tayassuidae). Derzue wird en uusgestorbeni Gruppe vu große seiartige Dierer in d Suina gstellt, d Entelodontidae.

Friejer sin au d Flusspfärd zue däre Gruppe zellt wore, no neiere molekulargenetischen Untersuechige sin si aber nit seli nooch verwandt mit dr Seiartige, derfir sin si di negschte Verwandt vu dr Waal.