Solarzelle

E Solarzälle oder fotovoltaischi Zälle isch en elektrischs Bauelimänt, wo churzwälligi Straaligsenergii, mäistens Sunneliecht, diräkt in elektrischi Energii umwandlet. D Aawändig vo dr Solarzälle isch d Fotowoltaik. Die füsikalischi Grundlaag vo dr Umwandlig isch dr fotowoltaischi Effekt, won e Sonderfall vom innere fotoelektrische Effekt isch.

Wenn mä äinzelni Solarzälle in Serii schaltet und denn abkapslet, bechunnt mä d Solarmodul, wo verwändet wärde, zum Energii z erzüüge. Bi Dünnschichtmodul isch d Räijeschaltig in dr Brozäss vo dr Härstellig vo de Zälle integriert, bi de wit verbräitete kristalline Modul macht mä sä dur s Uflööte vo Verbinder uf fertigi Solarzälle.

Mänggisch wärde au Elimänt vom ene Sunnekolläkter as Solarzälle bezäichnet. Si erzüüge aber kä elektrische Strom, sonder Brozässwermi und ersetze zum Bischbil Warmwasser-Boiler.

Die mäiste Solarpanel, wo hüte installiert wärde, chömme us China. Bi de biligste Zälle, dene us amorfem Silicium, won e Wirkigsgraad vo 5 bis 10 Brozänt häi, si 2012 d Modulchöste under 0,6 Euro bro Watt gsi, polykristallini und monokristallini Silicium-Zälle mit eme Wirkigsgrad vo 14 bis 22 Brozänt häi e chli weniger as 90 Cent pro Watt kostet.^[1][2][3]

1. ↑ Lisa Eccles, Jason George, Miki Tsukamoto, Hai Yue Han: Comparison Study of Current Photovoltaic Technologies for Use on a Solar Electric Vehicle. (PDF) 2006, archiviert vom Original am 16. September 2006; abgruefen am 22. April 2010 (änglisch). 
2. ↑ PVX Spotmarkt Preisindex Solarmodule
3. ↑ Solarbuzz Module Price Trend