Back نقطة تحت الشمس مباشرة Arabic সৌরপাদ বিন্দু Bengali/Bangla Punt subsolar Catalan Subsolarer Punkt German Υποηλιακό σημείο Greek Subsolar point English Punto subsolar Spanish نقطه زیرخورشیدی FA Point subsolaire French Pointe foghréine GA
| Dialäkt: Markgräflerisch (Ebringe) |
Als subsolarer Punkt wird der Punkt uf eme nit-stellare Himmelskörper bezeichnet, wo die jewilig Sunne gnau 90° (also senkrecht druf, d. h. im Zenit) iber dr Oberflächi stot. Es handelet sich um e latinische Fachbegriff us dr Astronomi, wo us dr Vorsilbe sub fer under un em Adjektiv vum Wort sol fer Sunne bildet isch.
Uf dr Erde pendlet dr subsolar Punkt - also dr Zenitstand vu dr Sunne - im e tropische Johr wäge dr Neigig vu dr Erdax zue dr Erdbahnebeni um 46,92° zwische 23,46° nördlicher un südlicher Breiti - also dr beide Wendekreise. Wenn dr subsolar Punkt dr Erdäquator vu Süde nooch Norde yberschrittet, spricht mer vum Früehligsafang uf dr Nordhalbchugle (resp. Herbstafang uf dr Südhalbchugle). Im umkehrte Fall sin au d'Johrszitte uf dr beide Halbchugle vertuscht. Isch dr subsolar Punkt uf sinere grösste Nordbreiti, no isch uf dr Nordhalbchugle Summerafang, uf dr Südhalbchugle degege Winterafang. Isch dr subsolar Punkt uf dr grösste Südbreiti, no fangt dementsprechend dr Südsummer bzw. Nordwinter a.