Back Kongres van Wene AF مؤتمر فيينا Arabic مؤتمر ڤيينا ARZ Congresu de Viena AST Vyana konqresi AZ Венскі кангрэс BE Венскі кангрэс BE-X-OLD Виенски конгрес Bulgarian Kendalc'h Vienna BR Bečki kongres BS
Dr Wiener Kongress vom 18. September 1814 bis 9. Juni 1815 het in Europa d Gränze neu festgleit und neui Staate gründet. Dr Aalass isch d Niiderlag vom Napoleon Bonaparte gsi, wo vorhär die politischi Landcharte vom Kontinänt mit siine Erobrige erheblig veränderet het.
Under dr Leitig vom österiichische Usseminister Metternich hai sich die bevollmächtigte Verdrätter us öbbe 200 europäische Staate, Herrschafte, Körperschafte und Stedt beroote. Drunder si alli bedütende Mächt in Europa gsi mit dr Usnahm vom Osmanische Riich. Die führende Rolle hai d Grossmächt Russland, Grossbritannie, Östriich, Preusse und die widerhergstellti französischi Monarchii gspiilt.
Die dütsche Problem si wägen ihrem Umfang apartig vo de übrige europäische Aaglägeheite besproche worde. Für s Grossherzogdum Bade het dr Sigismund Freiherr vo Reitzestei gredet, wo s Gebiet vom Ländli het chönne vergrössere.
D Problem vo dr Schwiiz, wo vom Hans vo Reinhard, vom Johann Heinrich Wieland und vom Jean de Montenach verdrätte worden isch, si vom ene bsundrige Usschuss behandlet worde, wo dr Heinrich Friedrich Karl vom Stein und dr Wilhelm von Humboldt drzue ghört hai.
S Elsass isch as Deil vo Frankriich ganz in d Bourbone-Monarchii absorbiert worde, und Mülhuuse het siini Verbindige mit dr Eidgenosseschaft ganz müesse ufgee.