William Shakespeare

Dr William Shakespeare (dauft am 26. April^jul. 1564; † 23. April^jul./3. Mai^greg. 1616^[1]) isch en änglische Dichder und Dramatiker gsi. Vo vilne wird er as dr grösst Stückschriiber, wo je gläbt het, agluegt.

Dr Ben Jonson, en andere änglische Dichder und Dramatiker, wo in sällere Ziit gläbt het, het von em gsait, ass dr Shakespeare „nit vo eim Ziitalter, sondern für alli Ziite siig“ und wenn me gseht, wie hüfig siini Stück, won er für e chliini Londoner Theaterkompanii gschriibe het, immer no gläse und ufgfüehrt wärde, muess me säge, ass er rächt gha het.

In siine Stück zeigt er as Autor Uffassigsvermöge, Iifüehligschraft, Scharfsinn und Dichderkunst. Er het siini Talänt nit bruucht, für zum abstrakti Theme wie diefsinnig au immer, z behandle, sondern het menschlige Figure mit allen ihre Gfüehl und Fähikeite uf d Bühni gstellt in Sitatione, wo d Zueschauer immer no aspräche, egal in weler Kultur si läbe oder in weli Sproch sini Stück übersetzt si.

1. ↑ De gregorianisch Kalender) isch z Ängland erscht 1752 iigfüert worde.