Back خط 49 (فيلم) Arabic خط 49 ARZ 49th Parallel Catalan 49th Parallel CY 49th Parallel German 49th Parallel (film) English 49th Parallel Spanish مدار ۴۹ درجه (فیلم) FA 49e Parallèle French Gli invasori (film 1941) Italian
.jpg)
.svg){kind=small}
49th Parallel (títol orichinal en anglés, en aragonés Paralelo 49, enguerada en Aragón con o títol en castellano de Los invasores, en aragonés Os invasors) ye una cinta de cine de drama belico de l'anyo 1941 coproducida entre lo cine britanico y lo cine canadiense dirichida por Michael Powell seguntes un guión adaptau por Emeric Pressburger y Rodney Ackland basau en una historia d'Emeric Pressburger, con una banda sonora orichinal de Ralph Vaughan Williams, una dirección de fotografía de Freddie Young y una producción cinematografica de Michael Powell y John Sutro ta las productoras General Film Distributors LTD. y Columbia Pictures. L'elenco d'a cinta ye formau pos os actors Leslie Howard, Laurence Olivier, Anton Walbrook, Raymond Massey, Glynis Johns, Eric Portman, Raymond Lovell, Niall MacGinnis, Finlay Currie, Charles Victor, Frederick Piper, Richard George, Peter Moore, John Chandos, Basil Appleby y Ley On.
En a cinta, concebida como elemento de propaganda ta influir en a opinión publica estausunidense ta que partecipase en a Segunda Guerra Mundial, se conta cómo un submarino d'a Kriegsmarine d'o Tercer Reich s'acola en a badía de Hudson en Canadá en 1940 y la suya tripulación preba de plegar en os Estaus Unius, que en ixas envueltas encara yera u país neutral, ta dimpués poder tornar en o suyo país y en a guerra. S'ambienta en Canadá y en l'oceano Atlantico en 1940 mientres a batalla de l'Atlantico en a Segunda Guerra Mundial, y se filmó en os estaus canadienses de Québec, Ontario y Winnipeg. En a 15ena edición d'os Premios Oscar recibió l'Oscar a lo Millor Argumento, amás de dos nominacions, a la Millor Cinta y a lo Millor Guión Adaptau.