Back طريق إلى الهند (فيلم) Arabic طريق الى الهند ARZ A Passage to India (película) AST Put u Indiju (film) BS Passatge a l'Índia Catalan A Passage to India CY Vejen til Indien Danish Reise nach Indien German Το πέρασμα στην Ινδία Greek A Passage to India (film) English
- Iste articlo ye sobre una cinta anglo-estausunidense de 1984; ta atros usos, se veiga A Passage to India (desambigación).
A Passage to India (títol orichinal en anglés, en aragonés Pasache enta la India, enguerada en Aragón con o suyo títol traduciu enta lo castellano de Pasaje a la India) ye una cinta de aventuras dramaticas d'epica historica anglo-estausunidense de 1984 dirichida por David Lean seguntes un guión adaptau por o mesmo David Lean d'a obra teatral A Passage to India de Santha Rama Rau (1960, que a la vegada yera l'adaptación de A Passage to India, una novela d'E.M. Forster (1924). Con una Banda Sonora Orichinal de Maurice Jarre y una dirección de fotografía d'Ernest Day, producioron a cinta John Brabourne y Richard Goodwin ta las productoras Thorn EMI Screen Entertainment y Home Box Office, Inc. y l'elenco d'actors principals ye formau por Peggy Ashcroft, Judy Davis, James Fox, Alec Guinness, Nigel Havers, Victor Banerjee y Roshan Seth.
A cinta s'ambienta en a India mientres o dominio colonial britanico, o clamau Raj britanico, en os anyos 1920, y lo rodache s'escaició en ixe mesmo país, en as localidaz de Bangalore y Ramanagara (Karnataka), Srinagar (Jammu y Caixmir), y Udhagamandalam (Tamil Nadu), encara que bellas escenas se rodoron en Anglaterra, en os Estudios Pinewood y los Estudios Shepperton. La cinta conta los problemas de dos mullers anglesas en a India, sorprendidas por a discriminación racial que troban en o país, que remata con una acusación de violación a un choven indio contra una d'ellas, y recibió cuantos premios y nominacions, en destacando en a 57ena edición d'os Premios Oscar con 11 nominacions a ixos premios y dos premios concedius: Millor Actriz Segundaria ta Peggy Ashcroft y Banda Sonora Orichinal ta Maurice Jarre. Tamién recibió, entre d'atros, dos Premios Globos d'Oro (con atras dos nominacions) y un Premio Bafta (con atras 8 nominacions).