Akim Tamiroff

Akim Tamiroff
L'actor Akim Tamiroff, en una escena d'a cinta Touch of Evil (1958).
Información personal
Nombre real	Hovakim Tamiryants
Calendata naiximiento:	29 d'octubre de 1899
Puesto naiximiento:	Tbilisi (u Bacú), Imperio Ruso
Calendata muerte:	17 de setiembre de 1972
Puesto muerte:	Palm Springs (California, Estaus Unius)
Ocupación:	Actor
Alma Máter	Teatro d'arte de Moscú
Conchuche:	Tamara Shayne (1932-)

Akim Mikhailovich Tamiroff (nombre artistico rusificau de Hovakim Tamiryants, Հովակիմ Թամիրյանց en armenio), naixiu de Tbilisi (u puet estar que de Bacú), en l'Imperio Ruso, o 29 d'octubre de 1899 y muerto en Palm Springs (California, Estaus Unius) o 17 de setiembre de 1972, estió un actor estausuniudense d'orichen armenio, activo en o mundo d'o teatro dende finals d'os anyos 1910 y en o cine estausunidense dende primerías d'os anyos 1930, con cuantos premios recibius mientres a suya carrera interpretativa.

Formau como actor en o Teatro d'arte de Moscú (a on rusificó lo suyo nombre y apelliu armenios), estando alumno de Konstantin Stanislavski. Con a Revolución rusa de 1917 albandonó Rusia instalando-se en primeras en París, ta emigrar definitivament enta los Estaus Unius en 1927. Treballó en primeras en teatros de Nueva York y dende 1932 pasó a interpretar papels ta la gran pantalla. Entre a suya ampla filmografía, con alto u baixo 80 cintas, se pueden destacar The Lives of a Bengal Lancer (1935, Henry Hathaway), China Seas (1935, Tay Garnett), The General Died at Dawn (1936, Lewis Milestone), The Buccaneer (1938, Cecil B. DeMille), Five Graves to Cairo (1943, Billy Wilder), For Whom the Bell Tolls (1943, Sam Wood), Touch of Evil (1958, Orson Welles), Ocean's 11 (1960, Lewis Milestone), Topkapi (1964, Jules Dassin), Lord Jim (1965, Richard Brooks), u 100 Rifles (1969, Tom Gries).