Alfabeto cirilico

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

L' alfabeto cirilico ye un alfabeto emplegato ta escribir seis luengas eslavas (ruso, ucrainés, belarruso, serbio, macedonyo y bulgaro), asinas como atras luengas de Rusia y atros miembros de (u relacionatos con) l'antiga Unión Sovietica, como lo tartaro (una luenga turquica) u l'udmurt (una luenga finougrica). Apareixe entre os sieglos IX-X a partir de l'alfabeto griego,^[1] feita por Sant Cirilo (de qui en prenió o suyo nombre) y Sant Metodio, santos bizantins evanchelizadors d'os pueblos eslaus d'os Balcans.

As normas de transliteración d'o cirilico a l'alfabeto latino son diferents seguntes a luenga d'orichen y a luenga de destino.^[2] Asinas, por eixemplo, l'apellito ruso Меньшов se puet transliterar como Menchov (aragonés, portugués, francés), Menshov (anglés, castellano), Menschow (alemán) u Mensjov (neerlandés).

L'alfabeto ye oficial en diversas organizacions. Con a dentrata de Bulgaria en a Unión Europea l'1 de chinero de 2007, o cirilico se convirtió en o tercer alfabeto oficial d'a UE, chunto a l'alfabeto latino y o griego.

1. ↑ (ca) Ciríl·lic, Gran Enciclopèdia Catalana.
2. ↑ (ca) Ruso