Atlas

Un atlas ye una colección sistematica de mapas de diversa indole que contiene una capitulación de distintos temas de conoixencia como la cheografía fisica, la situación socioeconomica, relichiosa y politica d'un territorio concreto. Mas especificament, pus, un atlas ye una obra componida de forma mayoritaria u exclusiva per mapas planificaus conchuntament seguntes un plan unitario. Asinas pues, una mera recopilación de mapas d'orichen diverso no ye pas un atlas.

Los atlas presientan tipicament mapas d'a Tierra u d'una rechión d'a Tierra, encara que i hai atlas d'atras planetas (y las suyas satelites) en o Sistema Solar. Amás, existen atlas d'anatomía, trazando organos d'o cuerpo humano u atros organismos. Los atlas s'han presentau tradicionalment en forma de libros, pero i hai muitos atlas en formatos multimedia. Amás de presentar rasgos cheograficos y buegas politicas, muitos atlas gosan presentar estatisticas cheopoliticas, socials, relichiosas y economicas.

ye considerau como lo primer atlas moderno lo Theatrum Orbis Terrarum d'Abraham Ortelius, Países Baixos, editau por primera vegada lo 20 de mayo de 1570, en Anvers (Belchica).