|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Bienvenido Mascaray Sin | |
|---|---|
| Información personal | |
| Calendata de naixencia | 1937 |
| Puesto de naixencia |  Campo (Ribagorza, Aragón)
|
| Ocupación | Mayestro y avogato |
| Pachina web | iberiasegunmascaray |
Bienvenido Mascaray Sin (Campo, 1937) é un mayestro y avogau chubilau aragonés, y investigador particular en llingüistica y historia. Tamén ha espubllicau bels libros de relatos y poesía en la suya llengua materna que é l'aragonés ribagorzano,[1] y ha feit y escrito asayo sobre el parlar aragonés de la sub-comarca natural que é la Tierra de Campo.
Va comenzar a treballar de mayestro en el Franquismo y va deixar la profesión cuan se va haber sacau la carrera de Dreito. Dimpués d'ixo, ha treballau sempre en la empresa privada en provincias como Lleida, Zaragoza, Madrit y Navarra.[1]
Fundador y president de l'«Asociación de afectados por el embalse Lorenzo Pardo», que é aman de Campo, é molto conoixiu y bien quiesto en la suya villa natal, y ha estau molto vinculau a l'activismo d'esta part media de Ribagorza. Ha estau miembro, tamén, d'el Consello d'a Fabla Aragonesa, y con la suya editorial (Publicazions d'o Consello d'a Fabla Aragonesa) ha espubllicau bel unas de las suyas obras en aragonés ribagorzano.[1]
En els zaguers anyos, ha espubllicau tamén asayos teoricos sobre la cultura y especialment la llingüistica d'els pueblos ibers de l'Antiguedat y ha defensau la tesis de la suya connexión con l'euskera actual.[2]
- ↑ 1,0 1,1 1,2 (es) Gran Enciclopedia Aragonesa online, consultada el 22 de septiembre de 2015.
- ↑ (es)(an) Ficha de Bienvenido Mascaray como autor, en Xordica.com, consultada el 22 de septiembre de 2015.