Back Bitka na Neretvi (film) BS La batalla del Neretva Catalan Brwydr Neretva CY Die Schlacht an der Neretva German Battle of Neretva (film) English La batalla del río Neretva Spanish جنگ نرتوا (فیلم) FA La Bataille de la Neretva French Bitka na Neretvi (1969.) Croatian The Battle of Neretva ID
.svg){kind=small}
Bitka na Neretvi (títol orichinal en serbocroata, en aragonés A batalla d'a Neretva, enguerada en Aragón con o suyo títol traduciu enta lo castellano como La batalla del Neretva) ye una cinta de cine belico epico de l'anyo 1969 coproducida entre lo cine yugoslavo, lo cine alemán, o cine italiano y lo cine estausunidense. Dirichida por Veljko Bulajić, con una dirección de fotografía de Tomislav Pinter, una banda sonora orichinal de Vladimir Kraus-Rajteric y Bernard Herrmann y una producción cinematografica al cudiau de Steve Previn ta las productoras Bosna Film, Jadran Film, Kinema Sarajevo, Radna Zajednica Filma, Igor Film, Eichberg-Film y Commonwealth United Entertainment, en l'elenco d'a cinta participan mesmo actors d'o cine yugoslavo d'ixas envueltas que actors internacionals, en destacando en os suyos papels principals Yul Brynner, Sergei Bondarchuk, Curd Jürgens, Sylva Koscina, Hardy Krüger, Franco Nero, Orson Welles, Bata Živojinović, Boris Dvornik, Anthony Dawson u Renato Rossini.
A cinta s'ambienta en a batalla d'a Neretva, escaicida mientres os primers meses de 1943 en l'actual Bosnia-Herzegovina, que alavez feba parte d'o Reino de Yugoslavia y a on combatioron os partisans yugoslavos mandaus por Josip Broz Tito contra las tropas alemanas d'o Tercer Reich y amuestra las penalidaz d'os partisanos y la suya luita epica contra l'invasor, aduyau por os ultranacionalistas serbios, os chetniks. Se rodó en escenarios naturals de Yugoslavia, toz els situaus en l'actual Bosnia-Herzegovina, per on trescruza lo río Neretva (mesmo mientres a filmación se destruyó un puent real de ferrocarril sobre ixe río). Estando una gran producción d'o cine yugoslavo, la cinta reció bels premios y nominacions, en destacando una nominación a los Premios Oscar en a suya 42ena edición (Millor Cinta en luenga no anglesa).