Cafarnaum

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Cafarnaum (hebreu כְּפַר נָחוּם [Kəfar Nāḥūm], «lugar de Naum»), ye un antigo lugar situato en Galilea, en l'actual Israel, a o canto d'a mar de Galilea, tamién dito laco Tiberiades u Kineret. Ye conoixita por os cristianos como "a ciutat de Chesús". Apareixe en o Nuevo Testamento, estando un d'os puestos escullitos por Chesucristo ta transmitir o suyo mensache y realizar belún d'os miraglos. Se troba a bels 2,5 km de Tabga y 15 km d'a ciutat de Tiberies, en a ribera norueste d'o laco.