Carbonato calcico

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O carbonato calcico ye un compuesto quimico con formula CaCO₃, que precipita en as auguas marinas u continentals cuan se produce a perduga de dioxido de carbonio disuelto formando minerals como a calcita y l'aragonito que fan part d'as rocas calsineras. Tamién ye present en os sers vivos fendo part d'as clascas, dients y parz duras en cheneral. Ye a causa principal d'as auguas duras. O carbonato calcico ye a materia prima pa fer calso.

A formación de carbonato calcico por desgasificación u a suya disolución por a presencia d'o dioxido de carbonio ye por a existencia d'un equilibrio quimico en a reacción:

CaCO₃ + CO₂ + H₂O → Ca(HCO₃)₂

Ca(HCO₃)₂ → CaCO₃ + CO₂ + H₂O

Una presencia mes gran de dioxido de carbonio favoreixe a reacción en o sentito d'a formación de bicarbonato calcico, y una presencia menos gran de dioxido de carbonio favoreixe a reacción en o sentito d'a suya producción y d'a producción de carbonato calcico.

A formación de calso CaO a partir d'o carbonato calcico s'explica por a propiedat de desprender-se dioxido de carbonio por d'encima d'una temperatura de 840 °C:

CaCO₃ → CaO + CO₂