Cine historico

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O cine historico ye un chenero cinematografico caracterizau por a suya ambientación en bel momento historico identificable, ya sía con personaches historicos reals ya sía con personaches inventaus, pero que tengan bella dosi de verosimilitut. Ye en bels casos amanau d'o cine biografico cuan amuestra un personache protagonista que realment existió en a Historia con una relevancia destacada, pero tamién puet fer servir o marco historico nomás que como marco d'o suyo argumento, encara que a ormino ixe marco historico ye nomás que una aproximación a la realidat historica. D'atra man, bels cheneros cinematograficos pueden considerar-se en rigor como subcheneros d'o cine historico, como lo cine de peplum, o cine de western, o cine belico u lo cine de capa y espada. D'atra man, muitas cintas de cine d'aventuras son tamién de cine historico, en estar situadas en un marco concreto, como lo subchenero de cine d'aventuras colonials.