Ciudat de Mexico

Ciudat de Mexico Ciudad de México
Localidat de Mexico
Seu de Mexico
País	Mexico
Superficie	1.479 km²
Población  • Total	8918653 hab. (2015)
Altaria  • Meyana	3.930 m.
Codigo postal	01000-11000
Coordenadas	19°25’ 9’’N99° 8’44’’U
Ciudat de Mexico Ciudat de Mexico en Mexico
Web oficial

A Ciudat de Mexico (en castellano Ciudad de México) ye a capital de Mexico y a mayor ciudat d'o país. Tamién ye una d'as mayors ciudaz d'o mundo y la de mayor numero de castellanofablants. Iste zaguer, en sentito amplo, ye a propia ciudat encluindo l'aria metropolitana.

A población d'a ciudat de Mexico ye de 8,7 millons d'habitants, encara que l'aria metropolitana d'a ciudat blinca d'as mugas d'o Districto Federal y s'estendilla sobre 40 municipios d'o estau de Mexico y 1 municipio d'o estau d'Hidalgo, con una población total de 19,3 millons d'habitants, a segunda aria metropolitana mas gran d'o mundo dimpués de Tokio y a mas gran d'o continent americano, seguntes o Reporte d'Urbanización Mundial d'as Nacions Unidas.^[1] En un estudio realizato en 2005, fue considerata a ueitena ciudat mas rica d'o mundo por Producto interior bruto.^[2] Amás d'estar a capital politica, a ciudat de Mexico ye o centro politico, economico, cultural y educativo de Mexico.

A ciudat de Mexico ye situata en a val de Mexico tamién conoixita como a val d'Anáhuac; un altiplano en o centro de Mexico, a una altaria meyana de 2.240 metros, rodiata por as montanyas y volcans de l'Eixe volcanico transversal u a "Sierra Nevada". Fue construita orichinalment por os aztecas en 1325 sobre una isla en meyo d'o laco de Texcoco con o nombre de Tenochtitlán. A ciudat fue destruita cuasi de tot por os conqueridors espanyols en o setio de 1521, y fue redisenyata y reconstruita en os anyos siguients con o patrón europeu. En 1524 se i establió o concello d'a ciudat de Mexico, conoixita por ixas envueltas como México Tenustitlán y dende 1585, oficialment, como Ciudad de México. Os espanyols nombroron o país y a ciudat Mexico por una tribu azteca que se deciba Mexica.^[3]

Fa parte d'a Organización d'as Ciudaz d'o Patrimonio d'a Humanidat.

1. ↑ (en) UN Urbanisation Report
2. ↑ (en) The 150 richest cities in the world by GDP in 2005
3. ↑ Historia de la Ciudad de México Gobierno del Distrito Federal