Corea d'o Norte

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Republica Democratica Popular de Corea 조선 민주주의 인민 공화국 Chosŏn Minjujuŭi Inmin Konghwaguk
(En detalle) (En detalle)
Lema nacional: 강성대국 (Coreano; Poderosa, prospera y gran nación'')
Himno nacional: Achimŭn pinnara
Capital  • Población	Pyongyang (평양) 3.702.757 ab.
Mayor ciudat	Pyongyang
Idiomas oficials	Coreano
Forma de gubierno President President de l'asamblea d'o pueblo Premier	Estau Socialista Kim Jong-un¹ Kim Yong Nam² Kim Jong-un
Independencia Reconoixita	de Chapón 15 d'agosto de 1945
Superficie  • Total  • % augua Mugas	Posición 99º 120.540 km² 0,1% 1.673 km
Población  • Total  • Densidat	Posición 54º 25.643.466 212.74 hab/km²
PIB (PPA)  • Total ([[]])  • PIB per capita	Posición º US$ 25.6 mil millons 1.118
Moneda	Won (원, KPW)
Chentilicio	Nortcoreano/a[1]
Zona horaria	UTC+8:30
Dominio d'Internet	Garra (tien reservato .kp)
Codigo telefonico	+850
Prefixo radiofonico	P5A-P9Z / HMA-HMZ
Codigo ISO	408 / PRK / KP
Miembro de: ONU
1Kim Zong II ye l'«autoridat administrativa mas alta» de Corea d'o Norte, como President d'a Comisión d'Esfensa. 2Kim Yong Nam ye o chefe d'estau de facto.

Corea d'o Norte, oficialment Republica Democratica Popular de Corea (en coreano 조선 민주주의 인민 공화국, Chosŏn Minjujuŭi Inmin Konghwaguk), ye un estau d'Asia oriental. Ocupa a parti setentrional d'a peninsula de Corea, situada a l'este de China, entre as mars de l'este y Amariella. O territorio ye monterizo, con cordeleras cubiertas por selvas a l'este, sobre o litoral d'a Mar de l'Este. En as planas se cautiva roz, que ye o prencipal producto agricola. O 90% d'a tierra se treballa en forma cooperativa. Ye un país rico en recursos minerals (carbón, fierro, sen, arambre, plomo y manganeso). A suya capital y ciudat mas gran ye Pyongyang. A Zona Desmelitarizata de Corea sirve como zona neutral de deseparación entre Corea d'o Norte y Corea d'o Sud. O río Amnok y o río Tumen fan de muga entre Corea d'o Norte y a Republica Popular China. Una chicota d'o río Tumen en o suyo extremo nord-este ye a muga con Rusia.

A peninsula entera fue gubernata por l'Imperio Coreano dica que fue anexionata por Chapón dimpués d'a guerra ruso-chaponesa en 1905. En rematar a Segunda Guerra Mundial, en l'anyo 1945, fue dividita en dos zonas d'ocupación, una sovietica y una atra estausunidense. Corea d'o Norte refusó fer parti d'as eleccions que se celebroron en 1948 en o sud baixo a supervisión d'as Nacions Unidas, lo que fació que se creyasen dos gubiernos diferents en cadaguna d'as dos zonas d'ocupación. As dos, Corea d'o Norte y d'o Sud, reclamoron a sobiranía sobre tota a peninsula, lo que fació que esclatase a Guerra de Corea en 1950. L'armisticio de 1953 remató con a luita; manimenos, os dos países se troban encara oficialment en guerra l'un con l'atro, ya que nunca no s'ha sinyato un tractau de paz.^[2] Os dos estaus dentroron en as Nacions Unidas en l'anyo 1991.^[3]

1. ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
2. ↑ "U.S.: N. Korea Boosting Guerrilla War Capabilities". FOX News Network, LLC. 2009-06-23. http://www.foxnews.com/story/0,2933,528320,00.html. Retrieved 2009-07-04. 
3. ↑ Sanger, David E. (1991-05-29). "North Korea Reluctantly Seeks U.N. Seat". The New York Times Company. http://www.nytimes.com/1991/05/29/world/north-korea-reluctantly-seeks-un-seat.html. Retrieved 2009-07-04.