Cristofo Colombo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Cristofo Colombo
Información personal
Calendata de naixencia	1451?
Puesto de naixencia	Chenova
Calendata de muerte	1506
Puesto de muerte	Valladolit
Ocupación	Descubridor

Cristofo Colombo (Chenova?, 1451?-Valladolit, 1506), estió un almirant a lo servicio de Castiella, visorrei y gubernador d'as Indias, conoixito internacionalment con o suyo apellito latinizato Columbus, u adaptato a las diferents luengas.

Creyeba en a redondeza d'a Tierra y se creye que conoixeba esta teoría por haber leito o "Libro d'as Marabillas d'o Mundo". Prebando d'arribar en as Indias viachando por l'Atlantico enta l'ueste arribó en America. Exploró as tierras d'o Caribe, establindo as rotas maritimas y ubrindo lo camín a la colonización americana. Encara que insistió en que se tractaba d'as Indias, y que no estió lo primer explorador europeu d'America, sí estió quí descubrió un nuevo continent ta Europa y a historia.