Cronos

Cronos (en griego antigo Χρόνος Khrónos, "tiempo") yera, en a mitolochía griega, a personificación d'o tiempo, seguntes se diz en as obras filosoficas presocraticas. Tamién se li clamaba Eon u Aión (Αίών, "tiempo eterno").

En os mitos griegos, Cronos yera o dios d'as Edaz (dende a Dorada dica la de Bronce) y d'o zodiaco. Apareixió en o prencipio d'os tiempos formau por él mesmo como un ser sin cuerpo con tres cabezas: d'hombre, de toro y de lión. Se unió con a suya companyera Ananké en una espiral arredol d'o uevo primichenio y lo deseparó, formando l'universo ordinau d'a tierra, o mar y o cielo.