David McCallum

David Keith McCallum
L'actor David McCallum, en una imachen de 2012.
Información personal
Nombre real	David Keith McCallum
Calendata naiximiento:	19 de setiembre de 1933
Puesto naiximiento:	Glasgow (Escocia)
Calendata muerte:	25 de setiembre de 2023
Puesto muerte:	Nueva York (Nueva York, Estaus Unius)
Ocupación:	Actor Musico
Alma Máter	Royal Academy of Dramatic Art
Pai	David McCallum Sr.
Mai	Dorothy Dorman
Conchuche:	Jill Ireland (1957-1967, esvurcio)^[1] Katherine Carpenter (1967-2023)^[1]
Fillos:	5,^[1] incluyiu Val McCallum

David Keith McCallum, naixiu de Glasgow (Escocia) o 19 de setiembre de 1933 y muerto en Nueva York (Nueva York, Estaus Unius) o 25 de setiembre de 2023,^[1]^[2] estió un actor y musico escocés, activo en o mundo d'o cine, en primeras d'o cine britanico y dimpués d'o cine estausunidense, dende meyaus d'os anyos 1940 dica la suya muerte, con una ampla carrera cinematografica a on recibió bels premios y nominacions.

Gosa estar conoixiu en Aragón mas que mas por a suya participación en a serie de televisión NCIS, a on interpretaba a lo forense Donald "Ducky" Mallard, encara que tamién tenió actuacions destacadas en bellas atras series y en cintas como A Night to Remember (1958, Roy Ward Baker), Violent Playground (1958, Basil Dearden), Freud: The Secret Passion (1962, John Huston), Billy Budd (1962, Peter Ustinov) u The Great Escape (1963, John Sturges). Como series de televisión, destaca la suya interpretación en os anyos 1960 en serie britanica The Man from U.N.C.L.E., a on interpretaba a lo personache ficticio Illya Kuryakin, y que estió la base d'a suya carrera cinematografica posterior. Tamién cal destacar a suya interpretación d'o tenient d'a Royal Air Force Simon Carter en a serie Colditz en 1972 y a suya actuación en a serie britanica de ciencia-ficción Sapphire & Steel dende 1979 dica 1982.