Erin Brockovich (cinta)

Iste articlo ye sobre una cinta estausunidense de cine biografico y de chudicios de l'anyo 2000; ta l'activista sobre a cual tracta la cinta, se veiga Erin Brockovich.

Erin Brockovich
Títol	Erin Brockovich
Póster d'a cinta.
Ficha tecnica
Dirección	Steven Soderbergh
Dirección artistica	Christa Munro
Producción	Danny DeVito Michael Shamberg Stacey Sher
Disenyo de producción	Philip Messina
Guión orichinal	Susannah Grant
Musica	Thomas Newman
Fotografía	Ed Lachman
Montache	Anne V. Coates
Escenografía	Philip Messina
Vestuario	Jeffrey Kurland
Maquillache	Susan A. Cabral
Efectos especials	Kevin Hannigan
Actors	Julia Roberts Albert Finney Aaron Eckhart Marg Helgenberger Tracey Walter Peter Coyote Cherry Jones Conchata Ferrell
Datos y cifras
País(es)	Estaus Unius
Anyo	2000
Debantadera	14 de marzo de 2000 Los Angeles (California, Estaus Unius)[1] 17 de marzo de 2000 Estaus Unius[1]
Chenero(s)	Cine de drama Cine biografico Cine de chudicios
Durada	130 min.
Idioma(s)	Anglés
Companyías
Productora(s)	Universal Pictures Columbia Pictures Jersey Films
Distribución	Universal Pictures Columbia TriStar Film Distributors International
Estudio(s)	Santa Ventura Studios Iron Horse Studios
Presupuesto	52 millons de dólars
Recauto	256,3 millons de dólars
Informacions en bases de datos especializadas:

Erin Brockovich (títol orichinal en anglés, enguerada con ixe mesmo títol en Aragón) ye una cinta de cine de drama biografico de cine de chudicios de l'anyo 2000 dirichida por Steven Soderbergh seguntes un guión orichinal de Susannah Grant, con una dirección de fotografía d'Ed Lachman, una producción cinematografica de Danny DeVito, Michael Shamberg y Stacey Sher ta las productoras Universal Pictures, Columbia Pictures y Jersey Films, con una banda sonora orichinal de Thomas Newman y un elenco composau por os actors Julia Roberts, Albert Finney, Aaron Eckhart, Marg Helgenberger, Tracey Walter, Peter Coyote, Cherry Jones y Conchata Ferrell.

Ye una cinta a on se conta un feito real d'un caso de polución medioambiental escaiciu en una localidat de California, Hinkley, cuan se produció una greu contaminación d'o subministro d'augua potable provocau por a Pacific Gas and Electric Company, en a investigación d'o cual destacó Erin Brockovich, qui prencipió alavez a suya fama como actvista en a luita por a esfensa d'o medio ambient. A cinta s'ambienta en a suya epoca actual (2000) en California y las suyas escenas se filmoron en Hinkley, Barstow Baker, Oxnard, Los Angeles y bellas atras localidaz de California y en o disierto de Mojave.^[2]

Se tracta d'una cinta que ha recibiu cuantismos premios y nominacions, en destacando un Premio Oscar en a suya 73^ena edición a la Millor Actriz, amás d'atras cuatre nominacions (incluyindo-ie a la Millor Cinta, Millor Director, Millor Guión Orichinal y Millor Actor Segundario); un Premio BAFTA en a suya 54^ena edición a la Millor Actriz, con atras cinco nominacions (incluyindo-ie Millor Cinta, Millor Director y Millor Actor Segundario); y un Premio Globos d'Oro a la Millor Actriz Dramatica con atras tres nominacions (Millor Cinta Dramatica, Millor Actor Segundario y Millor Director).

1. ↑ ^{1,0 1,1} (en) Enguero d'Erin Brockovich en Internet Movie Database.
2. ↑ (en) Localizacions d'Erin Brockovich en Internet Movie Database.