Erwin Rommel

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Erwin Rommel
15 de noviembre de 1891 - 14 d'octubre de 1944
O mariscal Erwin Rommel en una imachen de 1942
Información personal
Embotada	A rabosa d'o disierto
Puesto de naixencia	Heidenheim an der Brenz (Reino de Wurttemberg, Imperio Alemán, hue en Baden-Wurtemberg, Alemanya)
Puesto de muerte	Herrlingen (un lugar de Blaustein, Tercer Reich, hue en Baden-Wurtemberg, Alemanya)
Información militar
Leyaltat	Imperio Alemán Republica de Weimar Tercer Reich
Anyos de servicio	1911-1941
Rango	Generalfeldmarschall
Mandos	7ª División Panzer Deutsches Afrika Korps Heeresgruppe Afrika Grupo d'Exercitos B
Unidat
Batallas/guerras	Primera Guerra Mundial: * Batalla de Caporetto Segunda Guerra Mundial * Batalla de Francia ** Batalla d'Arras * Campanya d'Africa d'o Norte ** Operación Crusader ** Batalla de Gazala ** Batalla de Bir Hakeim ** Primera batalla d'El Alamein ** Batalla d'Alam Halfa ** Segunda batalla d'El Alamein ** Batalla de Medenine ** Batalla d'o paso de Kasserine * Batalla de Normandía
Premios	Pour le Mérite Cruz de Caballero d'a Cruz de Fierro con Fuellas de Robre, Espadas y Diamants
Atras funcions

Erwin Johannes Eugen Rommel (dito a vegatas A rabosa d'o disierto), naixito de Heidenheim an der Brenz (Reino de Wurttemberg, Imperio Alemán, hue en Baden-Wurtemberg, Alemanya) o 15 de noviembre de 1891 y muerto en Herrlingen (un lugar de Blaustein, Tercer Reich, hue en Baden-Wurtemberg, Alemanya) o 14 d'octubre de 1944, estió un destacato militar alemán, que partecipó en a Primera Guerra Mundial destacando-ie por a suya partecipación en a batalla de Caporetto contra l'Exercito italiano, a on se basoron as suyas teorías que desembolicó en a practica en a Segunda Guerra Mundial, a on plegó dica o ran de Generalfeldmarschall en as filas d'a Wehrmacht d'o Tercer Reich.

En a Segunda Guerra Mundial, desembolicó as tacticas d'emplego d'os tanques en 1940 mientres a batalla de Francia (incluyindo-ie a batalla d'Arras) con a suya 7ª División Panzer, encara que estió en a Campanya d'Africa d'o Norte contra l'Exercito britanico mandando en primeras o Deutsches Afrika Korps y dimpués o Grupo d'Exercitos Afrika cuan desembolicó as potencialidaz d'ista traza nueva de guerra en un escenario marcato por o disierto. En ista campanya destacoron as batallas d'a Operación Crusader, batalla de Gazala (con a batalla de Bir Hakeim), a primera batalla d'El Alamein, a batalla d'Alam Halfa, a segunda batalla d'El Alamein, a batalla de Medenine y a batalla d'o paso de Kasserine (ista zaguera contra l'Exercito estausunidense que heba desembarcato en as colonias francesas de Marruecos y Alcheria). Antiparte, luego de reblar os alemans en Africa d'o Norte, estió a o cargo d'a puesta a punto d'as esfensas d'o Muro de l'Atlantico en Europa ta prebar d'evitar una invasión d'os Aliaus, partecipando en a batalla de Normandía cuan ixe desembarco se fació.

Por os suyos contactos con a resistencia alemana a o nazismo y con os responsables de l'atentato d'o 20 de chulio de 1944, Hitler ordenó a suya muerte, pactando-se o suyo suicidio y ocultando-se a la opinión publica alemana as verdaderas causas d'a suya muerte.