Espineta

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A espineta, punta d'o peito u esternón ye un ueso d'o tórax, plan, impar, central y simetrico, composau por cuantas piezas soldadas.

Encara que se considere un ueso de l'escleto axial ligau a las costiellas, no tiene lo mesmo oriche embriolochico que las costiellas y tiene mas relación con la cintura toracica.^[1] En lo ser humán y los atros mamiferos se troba en a parti meya y anterior d'o tórax, s'articula por alto con as clavillas y en os suyos cantos laterals s'articulan as costiellas verdaderas y as falsas.

Tien dos caras, l'anterior y a posterior, dos cantos laterals y dos estremos: o superior u base y o inferior u vertice.

1. ↑ (es) ROMER, Alfred Sherwood, PARSONS, Thomas S.: Anatomía comparada. Editorial Interamericana, 1981. p 140.