Back إقناع ودي (فيلم) Arabic اقناع ودى ARZ La gran prova Catalan Lockende Versuchung German Friendly Persuasion (1956 film) English Friendly Persuasion Spanish Friendly Persuasion EU ترغیب دوستانه (فیلم ۱۹۵۶) FA Onnellisen laakson kansa Finnish La Loi du Seigneur French
- Iste articlo ye sobre una cinta de cine de comedia dramatica estausunidense de l'anyo 1956; ta atros usos, se veiga Friendly Persuasion y Friendly Persuasion (cinta).
Friendly Persuasion (títol orichinal en anglés, en aragonés Persuasión amistosa, enguerada en Aragón con o títol en castellano de La gran prueba, en aragonés A gran preba) ye una cinta de cine estausunidense de l'anyo 1956 de comedia dramatica dirichida por William Wyler seguntes un guión adaptau por Michael Wilson (basau en novela The Friendly Persuasion, publicada l'anyo 1945 por Jessamyn West), con una banda sonora orichinal de Dimitri Tiomkin, una dirección de fotografía d'Ellsworth Fredericks y una producción cinematografica de William Wyler ta las productoras William Wyler Productions y Allied Artists Pictures Corporation. Conta con un elenco formau por Gary Cooper, Dorothy McGuire, Anthony Perkins, Marjorie Main, Richard Eyer, Robert Middleton, Phyllis Love, Peter Mark Richman, Walter Catlett, Richard Hale, Joel Fluellen, Theodore Newton, John Smith, Edna Skinner, Marjorie Durant, Frances Farwell, Tom London y James Dobson, entre d'atros actors.
En 1862 una familia vive en o condau de Jennings en Indiana, estando formada por o pai Jess Birdwel, a mai Eliza, a filla Mattie y lo fillo Josh. Son cuaqueros y amás Eliza ye una ministra cuquera y fundament relichiosa. Jess, encara que poseye igualment sentimientos fundament relichiosos, tien o suyo corazón dividiu por a suya pasión por as cursas de caballos amistosas que fa con un atro vecín. La filla ye enamorada de Gard Jordan, un oficial de Caballería de l'exercito estausunidense, cosa que no li cuaca pas guaire a la mai. Y d'os dos fillos, o flllo gran dubda si seguir as conviccions familiars relichiosas u unir-se a las milicias ciudadanas que se creyan por a posibilidat d'una guerra. Pero lo país abanza enta una guerra civil, y cuan ista finalment esclata la familia troba en primeras a incomprensión de parte d'os suyos vecins, muito mas cuan as tropas d'os Estaus Confederaus d'America dentran en a redolada, espullando y cremando propiedaz. En ixas condicions cada miembro d'a familia ha d'adoptar as suyas propias decisions en función d'os escaicimientos.
A cinta s'ambienta en l'anyo 1862 en o condau de Jennings en Indiana mientres a Guerra Civil d'os Estaus Unius y las suyas escenas se filmoron en Chico y Los Angeles en California, amás d'en os Republic Studios tamién en Los Angeles.[2]
Se tracta d'una cinta que ha recibiu bels premios u nominacions a premios, entre los cuals se pueden destacar seis nominacions a los Premios Oscar (Millor Cinta, Millor Director, Millor Actor Segundario, Millor Guión Adaptau, Millor Canción Orichinal y Millor Soniu en a suya 29ena edición, u un Globo d'Oro a la Millor Estrela Emerchent Masculina y atras tres nominacions (Millor Actor Dramatico, Millor Actriz Segundaria y Millor Cinta Promotora de l'Entendimiento Mundial) en a suya 14ena edición.