Fuso

Pa atros emplegos de fuso se veiga Fuso (desambigación).

O fuso (d'o latín <FUSU^[1]) yera una ferramienta de madera que s'emplegaba pa filar y tamién pa torcer os filos que se sacaba de fibras naturals, como a lana, o lino y o canyimo, que d'antigos se filaba de manera artesanal en as casas y yeran a materia prima d'an se feba toz os teixius, tanto a ropa d'as personas como a de casa u o campo.

O fuso s'emplegaba de conchunta con a rueca, formando un doblet de trastes inseparables: en a rueca s'«enrocaba» os brins u flocos d'a fibra a filar, y con o fuso se reculliba o filo que resultaba, que en rematau o proceso se deciba que yera una «fusada».

1. ↑ MOTT, Brian L.. Diccionario etimológico chistabino-castellano castellano-chistabino. Institución «Fernando el Católico». Zaragoza, 2000. ISBN 84-7820-553-5