George Stevens

Iste articlo ye sobre un cineasta estausunidense; ta atros usos, se veiga George Stevens (desambigación).

George Stevens
George Stevens en 1957 con o suyo Premio Oscar a lo Millor Director por Giant.
Información personal
Nombre real	George Cooper Stevens
Calendata naiximiento:	18 d'aviento de 1904
Puesto naiximiento:	Oakland (California, Estaus Unius)
Calendata muerte:	8 de marzo de 1975
Puesto muerte:	Lancaster (California, Estaus Unius)
Enterreco	Forest Lawn Memorial Park de Hollywood Hills, Los Angeles, California
Ocupación:	Actor Director cinematografico Productor cinematografico Guionista Director de fotografía
Conchuche:	Yvonne Howell (1930–1947) Joan McTavish (1968–1975)
Fillos:	George Stevens, Jr.
Premios Oscar
Oscar a lo Millor Director: -1951: por A Place in the Sun -1956: por Giant Nominau a l'Oscar a lo Millor Director: -1943: por The More the Merrier -1954: por Shane -1959: por The Diary of Anne Frank

George Cooper Stevens, naixiu d'Oakland (California, Estaus Unius) o 18 d'aviento de 1904 y muerto l'8 de marzo de 1975 en Lancaster (California, Estaus Unius), estió un actor, director cinematografico, productor cinematografico, guionista y director de fotografía estausunidense activo en o cine estausunidense dende meyaus d'os anyos 1910 dica principios d'os anyos 1970, en destacando por o suyo treballo como director por lo cual recibió cuantos premios, en destacando entre éls dos Premios Oscar a lo Millor Director (amás de tres nominacions).

Entre a suya ampla filmografía como director, destacan cintas como Annie Oakley (1935, con Barbara Stanwyck, Preston Foster y Melvyn Douglas), Swing Time (1936, con Fred Astaire y Ginger Rogers), Gunga Din (1939, con Cary Grant, Victor McLaglen y Douglas Fairbanks Jr.), The More the Merrier (1943, con Jean Arthur, Joel McCrea y Charles Coburn), A Place in the Sun (1951, con Montgomery Clift, Elizabeth Taylor y Shelley Winters), Shane (1953, con Alan Ladd, Jean Arthur y Van Heflin) Giant (1956, con Elizabeth Taylor, Rock Hudson y James Dean), The Diary of Anne Frank (1959, con Millie Perkins, Joseph Schildkraut y Richard Beymer) u The Greatest Story Ever Told (1965, con Max von Sydow, Michael Anderson Jr. y Carroll Baker).

Morió por un infarto de miocardio y lo suyo cuerpo descansa en o Forest Lawn Memorial Park de Hollywood Hills, en Los Angeles, California.