Grau Celsius

O grau celsius, representau como °C, ye una unidat de temperatura, y debe o suyo nombre a l'astronomo Anders Celsius (1701-1744), qui lo proposó per primera vegada en 1742. Ye una d'as unidaz derivadas d'o Sistema Internacional d'Unidaz. Se define esliyendo os 0 °C en o punto de fusión de l'augua y os 100 °C en o suyo punto d'ebullición, os dos a o livel d'a mar. Una diferencia d'un grau celsius, ye equivalent a una diferencia d'un kelvin. O zero de l'escala Celsius difiere d'o d'a escala kelvin en 273,15 unidaz. Ye dicir:

T (°C) = T (K) + 273,15

estando T a temperatura.

O 1948, a Conferencia Cheneral de Pesos y Midas, se decidió per o termin Celsius, millor que no atros termins que se feban servir, como centigrau y centesimal, ta privar a confusión con o prefixo centi-, y ta reconoixer o treballo d'Anders Celsius.

Como curiosidat, cal decir que a -40 graus, a escala Fahrenheit y Celsius consonan.