Grau Fahrenheit

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre o grau Fahrenheit como unidat de mesura; ta atros usos d'a palabra, se veiga Fahrenheit.

O grau Fahrenheit (°F) ye una unidat de temperatura proposata por Gabriel Fahrenheit en 1724.

En a escala Fahrenheit, o punto de fusión de l'augua ye de 32 graus, y o d'ebullición ye de 212 graus. Una diferencia d'1,8 graus Fahrenheit equivale a la d'1 grau centigrado. Fahrenheit establió a temperatura zero (0 °F), en o punto de conchelación d'una mezcla a o 50% de sal (cloruro d'amonio) y chel, y como 96 °F, pilló a temperatura d'a sangre (él feba servir a d'os caballos). A cifra 96, puet pareixer una mida rariza, pero en primeras a escala nomás teneba doce subdivisions iguals, él mesmo, dividió cada división en ueito mas, obtenindo en zagueras 96 divisions en a suya escala.

As formulas de conversión a graus centigrados y kelvin son:

°F = °C⋅(9/5) +32

°C = (°F -32) ⋅ 5/9

°F = K ⋅ (9/5) -459,67

K = (°F +459,67) ⋅ 5/9

Ista escala ye actualment confinata a os países anglosaxons, mas que mas a os Estaus Unius. Os atros paísos anglosaxons, manimenos, se son adaptando a os graus Celsius, ya que dende os anyos 1960, bels gubiernos han empentato politicas con tendencia a l'adopción d'o Sistema Internacional d'Unidaz y l'uso d'o Fahrenheit ha estato desplazato. Con tot y con ixo, en os Estaus Unius, o Fahrenheit lo utiliza a población ta usos no cientificos.

A escala Fahrenheit, tien situato o zero absoluto a -459,67 °F, ta facilitar o suyo uso cientifico, se creyó a escala de Rankine, que leba o 0 d'a escala fahrenheit enta o zero absoluto, de forma parellana a o que ocurre entre a de Kelvin y Celsius.