Ixugador de pelo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un ixugador de pelo^{[1][nota 1]} ye un chicot electrodomestico disenyato ta chitar aire calient u fredo sobre os pelos mullatos, ta mirar d'accelerar a evaporación de l'augua y ixugar os cabellos.

Os ixugadors de pelos fuoron inventatos en 1920 en os Estaus Unius, en a localitat de Racine (Wisconsin). Os primers aparatos fuoron fabricatos por as interpresas Universal Motor Company y Hamilton Beach. A idea naixió d'a unión de dos conceptos, a descarga d'aire calient emplegata por l'aspiradora (inventata bels anyos antis) y o motor d'a licuadora (tamién desenvolicato en Racine).

Os primers ixugadors yeran a-saber-lo grans, pesatos y chitaban poca cantidat d'aire, pero ganoron popularitat debito a la gran requesta que tenioron.

En os anyos 1930 y 1940 se i metioron as primeras novedaz, como os controls ta regular a temperatura y a velocidat de l'aire.

L'ixugador portatil ye o mas popular entre a población, con bellas variedaz como l'ixugador plegable (emplegato ta os viaches). En o sector professional bi ha diferents interpresas que producen ixugadors, con un motor de larga vida y mas potencia ta que o peluquero u a peluquera i pueda treballar cada día muitas horas y ixugar o pelo ascape. Os ixugadors profesionals mas conoixitos en tot o mundo son os d'as interpresas italianas Parlux, E.T.I., Dana Italia y Coif'In. Tamién existe l'ixugador de casco que, gracias a la suya mayor potencia y millor distribución de l'aire, permite a realización de peinaus mas modernos.

1. ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

Error en a cita: Existen etiquetas <ref> ta un grupo clamau "nota", pero no se trobó garra etiqueta <references group="nota"/>