Back Rellampu AST Q'ixuq'ixu AY Llampec Catalan Relámpago Spanish Relampo GL Lampo (meteorologia) Italian Stralusc LMO Relâmpago Portuguese Blýskanie SK
Un lampedo u lampit (d'o latín < LAMPARE) ye un resplandor muit vivo produciu en as nubles por una descarga electrica.
Existen diferents explicacions alternativas de cómo se produce a luz d'o lampedo. A diferencia de voltache se debe mas que mas a las diferents velocidaz d'ionización d'os components d'os gases que forman ditas nubles. A ionización d'istos components se debe en sí mesma a l'efecto d'a luz solar y a la diferencia de temperaturas entre os distintos estratos d'a nuble, asinas como a la diferencia de temperaturas entre día y nueit. A diferencia d'o rayo, o lampedo baixa dende as boiras en forma ramificada y nunca no arriba a la tierra encara que o mesmo siga, igual que o rayo, lo que se diz gradient de voltache u de potencial electrico; isto ye, a linia recta mas curta que une dos variacions maximas de voltache, dando-le a o rayo ixa forma tan suyiza. O lampedo se produce asinas: cuan pleve sobre a superficie terrestre, se produce evaporación natural (causada por o fenomeno d'a convección), levando enta alto gotas d'augua, ye decir, H2O. Tanimientres, a una altaria d'entre 2,5 a 3 kilometros a on a temperatura ye de 15 a 20 graus Celsius baixo zero, se producen particlas de chelo que cayen por gravedat y que chocan con as gotas d'augua que puyan por a evaporación. Istas friccions y colisions producen deseparación de cargas electricas (disociación), y se chenera un campo electrico, ye decir, fuerzas que se eixercen entre cargas, dica que arriba l'inte en que se dan transferencias de cargas, comúnment conoixidas como lampedos.