Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A leit de soya ye una bebida feita a partir de soya. Se consume dende fa 2.000 anyos.[1]
Se fa mullando, molendo y filtrando a soya. Puede mercar-se-ne en comercios, encara que tamién se comercializan trastes ta producir-la en casa.
Constituye una alternativa a la leit, más que más en a dieta vegana y en dietas hipolipidicas, debiu a la suya aparencia y a o suyo alporte de proteínas. Nutricionalment ye de meyana dichestión, careix d'altos rans de colesterol y tien a metat de grasas y calorías, a mesma cantidat de vitamina B y más fierro que no a leit de vaca.[2] A calidat y cantidat d'as suyas proteínas ye superior a la d'a carne, o uevo u a leit de vaca.[3] Igual como ista zaguera, tamién tien components alerchenicos,[4] encara que ye apta ta intolerants a la lactosa.
As que se comercializan actualment, gosan estar enriquidas con vitamina B12, de mal obtener en una dieta vechetariana estricta. A leit de soya se fa servir en un puyal de recetas, substituindo-ie productos que vechetarians estrictos y veganos no consumen.