Back Lionel Barrymore AF لايونيل باريمور Arabic لايونيل باريمور ARZ Lionel Barrymore AST لیونل باریمور AZB Лаянел Бэрымар BE Лайънъл Баримор Bulgarian লিওনেল ব্যারিমোর Bengali/Bangla Lionel Barrymore Catalan لایۆنێل باریمۆر CKB
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Lionel Barrymore | |
|---|---|
 Lionel Barrymore en 1935 en a cinta David Copperfield. | |
| Información personal | |
| Nombre real | Lionel Herbert Blythe |
| Calendata naiximiento: | 28 d'abril de 1878 |
| Puesto naiximiento: |  Philadelphia (Pennsilvania)
|
| Calendata muerte: | 15 de noviembre de 1954 |
| Puesto muerte: | Beverly Hills (California)
|
| Ocupación: | Actor, director cinematografico y guionista |
| Conchuche: | Doris Rankin (1904-1923) Irene Fenwick (1923-1936) |
| Premios Oscar | |
| Oscar a o Millor Actor: -1931: por A Free Soul.[1] | |
Lionel Barrymore (nombre artistico de Lionel Herbert Blythe) estió un actor, director cinematografico y guionista estausunidense, naixito o 28 d'abril de 1878 en Philadelphia (Pennsilvania) y muerto o 15 de noviembre de 1954 en Beverly Hills (California).[2] Activo en o mundo d'o teatro dende zaguerías d'os anyos 1890 y en o mundo d'o cine estausunidense dende primerías d'os anyos 1900, recibió cuantos premios mientres a suya carrera cinematografica, que no remató que dica los anyos 1950.
Tenió una extensa y dilatada carrera cinematografica, con mas de 200 títols en o suyo treballo como actor, ixo sin parar cuenta d'as cintas en que estió director u guionista, d'a suya labor teatral u d'os suyos treballos en a radio. D'entre a suya muit extensa carrera, se puet destacar as suyas interpretacions como actor en bellas cintas: Mata Hari (1931, George Fitzmaurice), Dinner at Eight (1933, George Cukor), You Can't Take It with You (1938, Frank Capra), Duel in the Sun (1946, King Vidor), It's a Wonderful Life (1946, Frank Capra) u Key Largo (John Huston).
Fa parte d'una familia prou vinclada a lo mundo do cine y d'o spectaclo, en estar chirmán d'os actors Ethel y John Barrymore y tío avuelo de l'actriz Drew Barrymore. De feito, la suya familia treballaba en o mundo d'a escena dende 1752.[3]
- ↑ (en) 3th Academy Awards (1931) en a pachina web de l'Academia d'as Artes y as Ciencias Cinematograficas de Hollywood.
- ↑ (en) Lionel Barrymore en IMDb.
- ↑ (en) Cameron Ship: We Barrymores, en o Saturday Evening Post, 19 d’agosto de 1950, p. 17.