Marco Polo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Marco Polo
Información personal
Calendata de naixencia	1254
Puesto de naixencia	Republica de Venecia
Calendata de muerte	1324
Puesto de muerte	Republica de Venecia
Ocupación	Explorador

Marco Polo (15 de setiembre de 1254-8 de chinero de 1324) naixió y morió en Venecia, y estió lo mas famoso d'os viachers d'a Rota d'a Seda.

O pai de Marco Polo y su tío ya heban realizato viaches a Asia antis d'a suya naixencia. Marco Polo teneba 6 anyadas cuan su pai y su tío tornoron a marchar ta l'este en o suyo primer viache a China. Cuan tornoron a Venecia, Marco Polo ya teneba 15 anyadas y la suya mai heba muerto.

A la fin d'o 1271, reculloron valiosos regalos d'o nuevo Papa Gregorio X con a comanda de levar-los a lo Gran Khan de China. Asinas, cuan Marco Polo teneba 17 anyadas, marchó de Venecia como su pai y su tío ta l'este. Trescruzoron Armenia, Persia y Afganistán ta plegar a China, recorrendo toda la Rota d'a Seda. A tornada la realizó por o mar de China dica Hormuz, an continó lo suyo viache por tierra dica Venecia.

Cuan plegó fue feito preso por as autoridaz chenovesas, y mientres estió en a garchola, ditó a un escribano profesional as suyas aventuras. Muitas d'as suyas observacions son precisas y comprebables y gracias a er, Occident tenió conoixencia d'aqueras tierras luengas.

Asinas, a suya obra Os viaches de Marco Polo estió, mientres muitas anyadas a referencia. Cristofo Colombo n'estió apasionato lector. En a escuela de Chuan Ferrández d'Heredia traducioron o Libro de Marco Polo. Libros como "La Flor de las Ystorias d'Orient" u o "Libro d'as Marabillas d'o Mundo" se basoron en parte en "Os viaches de Marco Polo".

Estudios cientificos recients dicen que os viaches y as historias documentatas en o libro Os viaches de Marco Polo son falsos. Istos estudios s'emparan que talment Marco Polo plegó a China - encara que ye poco prebable- pero que ye falso de tot que se reunió con os monarcas d'aquers países. Una d'as mayors pruebas ye que describe o vestuache de l'alta sociedat chinesa como una mezcla entre as vestimentas chenovesas y turcas, an sí que bi estió una larga temporada.