MediaWiki

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

MediaWiki ye un motor wiki de baldes y de codigo ubierto. Estió desembolicau pa o suyo uso en Wikipedia en 2002, y prenó o suyo nombre de "MediaWiki" en 2003. Sigue en emplego en a Wikipedia y en cuasi toz os de demás pachinas web de Wikimedia, incluius Wiktionary, Wikimedia Commons y Wikidata; istos puestos continan definindo una gran parti d'o conchunto de requisitos pa MediaWiki. MediaWiki estió desembolicau orichinalment por Magnus Manske y amillorau por Lee Daniel Crocker. O suyo desembolique ha estau coordinau dende alavez por a Fundación Wikimedia.

MediaWiki ye escrito en o luengache de programación PHP y almagazena tot o conteniu de texto en una base de datos. O software ye optimizau pa maniar eficientment grans prochectos, que pueden tener terabytes de conteniu y cientos de milars de vesitas por segundo. A causa que Wikipedia ye un d'os puestos web mas grans d'o mundo, aconseguir l'escalabilidat a traviés de multiples capas d'almagazenamiento en caché y replicación de bases de datos ha estau una gran preocupación pa os desembolicadors. Unatro aspecto important de MediaWiki ye a suya internacionalización; a suya interficie ye disponible en mas de 300 idiomas. O software tien mas d'1.000 configuracions de configuración y mas d'1.800 extensions disponibles pa permitir que s'adhiban u cambeyen cuantas funcions.

Amás d'o suyo uso en os pachinas de Wikimedia, MediaWiki s'ha utilizau como un sistema de chestión de conoixencia y chestión de conteniu en milars de pachinas web, publicos y privaus, incluius os pachinas web Fandom, wikiHow y Gamepedia, y as prencipals instalacions internas como que Intellipedia y Diplopedia.

Ye disponible en mas de 300 idiomas, entre éls l'aragonés a causa d'o treballo de l'asociación Softaragonés.