Microsoft Windows

Windows ("finestras", en anglés), ye o nombre d'un sistema operativo desarrollato por Microsoft dende mitat d'os años 80, pensato ta ordinadors personals.

En o suyo prencipio, Windows yera una interfaz grafica d'usuario que s'executaba sobre o sistema operativo DOS.^[1] Paralelament, se creya una versión professional ta servidors que no amenistaba DOS (Windows NT). Dende Windows 95, a versión personal ya yera un sistema operativo completo y no heba menester de DOS, que de feito yera encorporato en o Windows. Ista estructura contina fendo-se dica l'aparición d'o Windows XP. Que basato en o nuclio d'o Windows 2000 ofreixe a versión personal y a profesional.

Actualment, Windows ye o sistema operativo mas usato en ordenadors personals, en interpresas y tamién tien un important sector d'o mercato de servidors an o gran dominador son os sistemas Unix. En o sector d'a edición grafica, os sistema operativo mayoritario ye o MacOS, y actualment bi ha un porcentache creixient d'usuarios que cambean ta GNU/Linux.

1. ↑ (en) The Unusual History of Microsoft Windows en thoughtco.com