Back ملكة الدماثة (فيلم) Arabic ملكه الدماثه ARZ Міс Кангеніяльнасьць BE-X-OLD Мис таен агент Bulgarian Miss agent especial Catalan Slečna Drsňák Czech Miss Congeniality CY Miss Undercover German Miss... Με το Ζόρι Greek Miss Congeniality (film) English
Miss Congeniality (títol orichinal en anglés, en aragonés Miss simpatía, enguerada en Aragón con o títol en castellano de Miss agente especial, en aragonés Miss achent especial) ye una cinta de cine estausunidense de comedia d'acción de l'anyo 2000 dirichida por Donald Petrie seguntes un guión orichinal de Marc Lawrence, Katie Ford y Caryn Lucas, con una banda sonora orichinal d'Edward Shearmur, una dirección de fotografía de László Kovács y una producción cinematografica de Sandra Bullock ta las productoras Fortis Films, NPV Entertainment, Castle Rock Entertainment y Village Roadshow Pictures. En os suyos papels principals, l'elenco d'actors d'a cinta ye formau por Sandra Bullock, Michael Caine, Benjamin Bratt, Candice Bergen, William Shatner, Heather Burns, Deirdre Quinn, Wendy Raquel Robinson y Melissa De Sousa.
Miss Congeniality s'ambienta en 1982 y en a epoca actual d'a cinta (2000) en San Antonio (Texas) y se rodó en ista zaguera ciudat, en atros puestos de Texas y en l'estau de Nueva Jersey. Conta cómo una achent d'o Federal Bureau of Investigation (FBI) se fa pasar por una modelo que compite en o concurso de Miss Estaus Unius ta desarticular un complot que menaza con sabotiar la competición con una bomba. Se tracta d'una cinta que tenió un important exito de publico y de critica y que recibió bellos premios y nominacions, en destacando dos nominacions a los Premios Globos d'Oro en a suya 58ena edición: a la Millor Actriz de Musical u Comedia (ta Sandra Bullock) y a la Millor Canción Orichinal (ta One in a Million cantada por Bosson).