Back Qətl! (film, 1930) AZ Убийство! Bulgarian Murder! Catalan Murder! CY Mord – Sir John greift ein! German Έγκλημα (ταινία 1930) Greek Omicidio! EML Murder! English Murder! Spanish قتل! FA
.svg){kind=small}
Murder! (títol orichinal en anglés, en aragonés Asasinato!, enguerada en Aragón con o suyo títol traduciu enta lo castellano como Asesinato) ye una cinta de cine d'intriga de cine britanico de l'anyo 1930 dirichida por Alfred Hitchcock seguntes un guión adaptau por él mesmo, Walter Mycroft y Alma Reville (basau en a novela Enter Sir John publicada por Clemence Dane y Helen Simpson en l'anyo 1928), con una banda sonora orichinal de John Reynders, una dirección de fotografía de J. J. Cox y una producción cinematografica de John Maxwell ta la productora cinematografica British International Pictures. Conta con un elenco d'o cual en fan parte Herbert Marshall, Norah Baring, Phyllis Konstam, Edward Chapman, Miles Mander, Esme Percy, Donald Calthrop, Esme V. Chaplin, Amy Brandon-Thomas, Joynson Powell, S. J. Warmington, Marie Wright, Hannah Jones y Una O'Connor, entre d'atros actors.
A Policía troba a Diana Baring, una choven actriz d'una companyía teatral ambulant, aturdida, con a suya ropa con trazas de sangre y con una atra muller muerta a lo suyo canto. L'atizador que s'ja emplegau ta l'asasinato ye tamién a lo suyo canto, pero Diana diz estar incapable de remerar os feitos. Como informan a la Policía que las dos mullers yeran rivals, l'arrestan y l'acusan d'asasinato. Mientres o chudicio Diana amaga deliberadament informacions comprometedoras ta un hombre que no quiere nombrar. O churau la considera culpable, encara que un d'os suyos miembros, sir John Menier, tiene muitas dubdas, y ye condenada a muerte. Tanimientres, sir John Menier se siente culpable porque él li heba recomanau a Diana de treballar en ixa companyía ta adquirir experiencia y decide investigar por a suya cuenta. Lo fa chunto con Ted Markham, o suyo director d'escena, y la muller de Ted, Doucie. Bien luego centran as suyas sospeitas en un atro miembro d'a companyía, Handel Fane, qui amaga que encara que presenta apariencia d'hombre blanco, ye en realidat mestizo.
A cinta s'ambienta en a ciudat de Londres en o Reino Uniu y en epoca actual d'a cinta (1930) y las suyas escenas se filmoron en ixa mesma ciudat y en os Elstree Studios en o districto de Wandsworth, tamién situau en a capital britanica.[2]
- ↑ (en) Enguero de Murder! en Internet Movie Database.
- ↑ (en) Localizacions de Murder! en Intwrnet Movie Database.