Nacra

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A nacra ye o revestimento interior de ciertas clascas de molusco, composau de cristals d'aragonito y de conquiolina, con reflexos iridescents. Ye un producto que lo han mirato muito pa decoración, marquetería y a confección de choyas u de botons, dica o punto que ciertos moluscos como os Haliotis han desapareixito localment. Ciertas especies son criatas pa a perla. A nacra resiste millor os acidos que a resta d'a clasca d'o molusco y se reconstruye cuan se fan danyos u foratos en a clasca de l'animal encara en vida.

Cuan un elemento estranio irritant entra a clasca d'estos moluscos, secretan igualment nacra napa dencima de napa pa protecher-se'n, formando una perla u unas cuantas.

A lo contrario que en atras napas d'a clasca, a nacra ye sintetizata por o molusco en tota a suya vida.

A nacra fa part d'as piedras semipreciosas. En aragonés medieval nacra se deciba en puestos como Zaragoza a tanto a la substancia brillant como a cualsiquier cosa con a suya color^[1] (fil de trocetes de nacra, Iacca de nacra). Os mangos d'os cuitiellos sastaguins se feban dica meyatos d'o sieglo XX con nacra d'o bivalvo fluvial Margaritifera auricularia.

1. ↑ J Angel Sesma, Ángeles Líbano Zumalacárregui: Léxico comercial en Aragón (Siglo XV), Institución Fernando el Católico, 1982.