Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Conchunto d'orbitals moleculars completo de l'acetilén (H–C≡C–H). La columna ezquierda muestra los orbitals moleculars que son ocupatos en o estato fundamental, con a enerchía orbital menor en a parte superior. La linia blanca y grisa visible en cualques orbitals moleculars ye l'eixe molecular que pasa a traviés d'os nuclios. Pero totas las funcions d'onda orbitals son positivas en as rechions royas y negativas en as azuls. La columna dreita muestra orbitals moleculars virtuals que son vuedos en o estato fundamental, pero en pueden estar ocupatos en estatos excitatos.
En quimica cuantica, los orbitals moleculars son rechions d'o espacio que contienen la densidat electronica definita per funcions matematicas que describen lo comportamiento ondulatorio que pueden tener los electrons en as moleculas. Istas funcions pueden usar-se pa calcular propiedaz quimicas y fisicas tals como la prebabilidat de trobar un electrón en una rechión d'o espacio. Lo termin orbital estió presentato per primera vegata en anglés per Robert S. Mulliken en 1932 como abreviatura de «función d'onda orbital d'un electrón» (one-electron orbital wave function) a partir d'una traducción d'a parola alemana utilizata en 1925 per Erwin Schrödinger, 'Eigenfunktion'. Dende alavez se considera un sinonimo a la rechión d'o espacio chenerata con dita función. Los orbitals moleculars se construyen habitualment per combinación linial d'orbitals atomicos centratos en cada atomo d'a molecula. Utilizando los metodos de calculo d'a estructura electronica, como per eixemplo, lo metodo de Hartree-Fock u lo d'os campos autoconsistents (self-consistent field, SCF), se pueden obtener de forma cuantitativa.
Datos: Q725417
Multimedia: Molecular orbitals / Q725417