|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Pablo Recio | |
|---|---|
 Cleto José Torrodellas Mur, "Pablo Recio" | |
| Información personal | |
| Calendata de naixencia | 1914 |
| Puesto de naixencia |  Estadilla (Semontano de Barbastro, Aragón
|
| Calendata de muerte | 1988 |
| Puesto de muerte |  Barcelona (Barcelonés, Catalunya)
|
| Ocupación | Escritor (poeta) |
 Esta pachina ye escrita en ribagorzano.
|
Pablo Recio ye un escritor aragonés naixiu en Estadilla en 1914 y muerto en 1988. Miembro de honor del Consello d´a Fabla Aragonesa.
Ye la embotada con la que firmaba es suyos libros, el suyo pseudonimo. El suyo nombre eba Cleto José Torrodellas Mur y eba el sobrino de Cleto Torrodellas Español. Va escribir romances, poemas y narracions en aragonés baixorribagorzano y tamién en castellano. Va estudiar la carrera de Machisterio que no va exercir. Va fer el servicio militar como suboficial d'aviación y tot pilland-lo la guerra, va estar-ie cinco anyos.
Tot acaband la guerra, va estar treballand en una central hidroelectrica durante 8 anyos. Dimpués le va tocar de vivir 35 anyos en Barcelona. Allí ye a on va empecipiar a publicar es suyos escritos, en concreto en el Boletín del Centro Aragonés de Barcelona. Cuan ya eba en la chubilación, pasaba mas a sobén temporadas en Estadilla.
La suya obra ye replegada en el libro "Horas Sueltas", editau per CFA en 1990. D'este libro cal destacar las 30 composicions escritas en aragonés baixorribagorzano, d'especial dominio de la luenga son es escritos en prosa.