Parque

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un parque (d'o francés parc y de l'anglés park) ye un espacio natural u semi-natural que puet estar situau en l'interior d'una población y s'utiliza como prau, chardín u arboliau pa esparcimiento y recreo d'os ciudadans.

As grans estensiones protechidas por o estau, como parques naturals y nacionals s'adedican a la protección d'a vida salvache y os habitats naturals.

Tamién se conoixen como parques atros recintos, protechius publica u privadament, a on se celebran actividatzs ludicas u de exhibición, como un parque d'atraccions u un parque zoolochico.

Os parques que se manteneban en l'antigüidat de forma privada pa goyo d'os suyos propietarios son en l'actualidat ubiertos a o publico, como os chardins de Versalles, chardins d'o Retiro de Madrit u os antigos parques de cazata de nobles y reis, como a selva de Fontainebleau.

Muitas casas de campo en o Reino Uniu y Irlanda encara tienen parques d'iste tipo, os cuals dende o sieglo XVIII han estau a sobén achardinaus por estetica. Por un regular son un mezclayo de praderas ubiertas con árbols dispersos y zonas de selvas y gosa estar amugaus por cletas altas. A zona adchacent a la casa ye o chardín y, en bels casos, iste tamién presenta praderas y árbols dispersos, manimenos lo que diferencia basicament o parque d'o chardín en una casa de campo ye que o parque ye habitau por animals, mientres que istos son escluyius d'o chardín.