Prepucio

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O prepucio ye lo plegue de dople capa de teixiu muscular liso, vasos sanguinios, neuronas, piel y parti d'a bienza mucosa d'o pene que cubre y proteche lo glande.^[1] O prepucio ye mobil, pro elastico y actúa como un lubrificant natural. A caperucha d'o clitoris en as mullers ye embrionariament homologa a lo prepucio.

O prepucio d'os adultos gosa estar retráctil sobre lo glande. A cobertura d'o glande en estau bofo y erecto vareya seguntes a longaria d'o prepucio. Lo prepucio ye apegau a lo glande en naixer y, per un regular, no se puede retrayer en a nineza. A incapacidat pa retrayer o prepucio en a nineza no ha de considerar-se un problema de no estar que i haiga atros simptomas. A banda estriada altament inervada d'o pene se troba amán d'a punta d'o prepucio.

Lo prepucio puede quedar sucheto a una serie de condicions patolochicas.^[2] A mayoría d'as condicions son raras y se tractan facilment. En cualques casos, particularment en condicions cronicas, o tractamiento puede incluyir a circumcisión, un procedimiento en o que s'extirpa parcial u de tot o prepucio.

1. ↑ (en) Jean-Claude Corbell y Ariane Archambault: The visual dictionary of the human being, QA International, 2009, ISBN 978-2-7644-0885-8, p.110
2. ↑ (en) Shah M (2008). The Male Genitalia: A Clinician's Guide to Skin Problems and Sexually Transmitted Infections. Radcliffe Publishing. pp. 37–. ISBN 978-1-84619-040-7.