Provincia de Teruel

Provincia de Teruel Província de Terol
Provincia d'Espanya
Bandera Escudo
Entidat  • Estau  • Comunidat	Provincia Espanya Aragón
Capital	Teruel
Idioma oficial  • Luenga propia	Castellano Catalán
Superficie  • Total  • d'Espanya	14 804 km² 2,93%
Población  • Total (2021)  • d'Espanya  • Densidat	134 545 hab. 0.28% 9,05 hab/km²
ISO 3166-2	ES-TE
Pachina web oficial

Teruel (en catalán Província de Terol) ye una provincia situata a o sud d'a Comunidat Autonoma d'Aragón, con capital en a ciudat de Teruel. A suya superficie ye de 14.809 km², y a suya población ye de 141.091 habitants (2003), d'os cuals a cuatrena parti viven en a capital. A suya densidat de población ye de 9,53 hab./km². Tien 236 municipios, d'os cuals a metat son lugars de menos de 200 habitants.

De cheografía monteriza, o suyo clima ye un d'os mas duros d'Europa por a suya sequera y por as diferencias termals de 20 graus en pocas horas en bellas epocas de l'anyo. En a capital os records de temperatura son de 39° (3 de chulio de 1994) y -19° (26 d'aviento de 2001).

A suya economía s'alaceta prencipalment en o cautivo de cerials y en o turismo. En o sector industrial no ha tenito un desarrollo industrial completo. En tien dos estacions d'esquí: Chabalambre y Valdelinars, as dos en as sierras de Chabalambre y Gúdar a o sud d'a provincia.

Como reyación a la despoblación y a o baixo desarrollo economico, existe un movimiento ciudadán clamato Teruel Existe ta impulsar a provincia.