Quimiotrofia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A quimiotrofia (d'o griego, «quimios», quimica, y «trophos», alimento, nutrient) ye l'habilidat de cualques organismos d'aprofeitar a enerchía existent en os enlaces qumicos como fuent d'enerchía ta atros procesos biolochicos propios, por lisi metabolica d'as moleculas a on que se troba ixes enlaces, en analochía a cómo os fototrofos obtienen a suya enerchía d'a luz ta subministrar-le-ne a la resta d'o suyo metabolismo.

Dende o punto d'envista d'a enerchía, a quimiotrofia y a fototrofia son as dos solas alternativas posibles d'obtención d'enerchía por parte d'un ser vivo. Manimenos, en ecolochia de relacions troficas s'estudia tamién os fluxos de materia entre os diferents components d'un ecosistema, de forma que os conceptos se pueden combinar en parolas que tamién expresen información sobre a forma d'obtención de materia que tiene un organismo, dando lugar a termins como quimiolitotrofo cuan as moleculas organicas se sintetizan a partir d'inorganicas, quimioorganotrofo cuan o que se consume son compuestos organicos, quimioheterotrofo cuan obtiene as moleculas d'un atro ser vivo, y quimioautotrofo en os casos excepcionals de que s'obtienga enerchía de moleculas captadas de l'exterior pero se sintetice as suyas propias moleculas organicas por fixación de carbonio inorganico.