Republica de Crimea

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Republica de Crimea Республика Крым Къырым Джумхуриети Qırım Cumhuriyeti
Republica de Rusia
Bandera Escudo
Himno: Нивы и горы твои волшебны, Родина
Entidat  • País  • Districto federal  • Rechión economica	Republica Rusia Districto de Crimea No asignada
Capital	Simferopol
Subdivisions	25 rechions
Idioma oficial	Ruso, tartaro crimeu y ucrainés
Establimiento	18 de marzo de 2014
Superficie  • Total	26 081 km²
Gubierno  • President	Sergey Aksyonov
Población  • Total (2014)  • Densidat	1 891 465 hab. 75,6 hab/km²
‎Chentilicio	crimeu/a
Zona horaria	UTC+4
Prefixo telefonico	+380-65
Crimea en Rusia
Territorio en disputa
Rusia	Ucraína

A Republica de Crimea (en ruso Республика Крым; en ucrainés Республіка Крим; tartaro crimeu Къырым Джумхуриети, Qırım Cumhuriyeti) ye un subchecto federal de Rusia que reunifica os antigos territorios ucraineses territorios d'a Republica Autonoma de Crimea y a ciudat de Sevastopol. O territorio reclamau incluye toda a Peninsula de Crimea en a Mar Negra, situada a o sud d'Ucraína y o sudueste de Rusia. D'antis mas fació parti de l'Imperio Ruso y d'a Republica Socialista Sovietica de Rusia. Crimea ha estau parti d'Ucraína dende 1954, y una republica autonoma aintro d'Ucraína dende 1991. O estatus d'autonomía de Crimea tornó a refirmar-se en 1996 con a ratificación de l'actual constitución d'Ucraína, que declaraba a Crimea como a "Republica Autonoma de Crimea", encara que la definiba como una "parti constituyent y inseparable d'Ucraína."^[1]

L'11 de marzo de 2014, aintro d'a crisi de Crimea de 2014, o parlamento de Crimea y o Concello d'a ciudat de Sevastopol anuncioron a suya intención de declarar unilateralment a suya independencia d'Ucraína refirmando-se en un referendum que tendría como resultau a unificación con Rusia.^[2] O documento d'a declaración d'independencia nombraba especificament a Kosovo como precedent d'a suya decisión.^[2]

A declaración se fación ta lechitimar o referendum sobre o estatus de Crimea en que os ciudadans votoron si Crimea habría de pedir a suya unión a Rusia como subchecto federal d'a Federación Rusa, u remanir como parti d'Ucraína.

O 16 de marzo de 2014, una gran mayoría de votants estimada en mas d'un 90%, votó a favor d'a independencia de Crimea d'Ucraína y a unión a Rusia como subchecto federal.^[3][4][5] A BBC comunicó que a mayoría de tartaros de Crimea que heba entrevistau yeran boicoteando o voto.^[4] O primer ministro pro-ruso de Crimea Sergey Aksyonov confirmó que un 40% d'os tartaros de Crimea heban participau en o referendum, y d'alcuerdo con os medios de comunicación rusos, os datos d'as votacions amostraban que una mayoría d'os tartaros de Sevastopol votoron a unión con Rusia, con una participación de mas d'o 50% en a ciudat.^[6] A Unión Europea, Chapón y os Estaus Unius condenoron a votación como ilegal.^[4][7]

1. ↑ (en) Constitución d'Ucraína, 1996
2. ↑ ^{2,0 2,1} (en) Crimea parliament declares independence from Ukraine ahead of referendum. Russia Today, 11 de marzo de 2014
3. ↑ (an) Crimea proclama a independencia y demanda l'ingreso en a Federación Rusa. Arredol.com. 17 de marzo de 2014
4. ↑ ^{4,0 4,1 4,2} (en) Crimea referendum: Voters 'back Russia union'. BBC News. 16 de marzo de 2014
5. ↑ (en) Crimeans vote over 90 percent to quit Ukraine for Russia. Reuters. 16 de marzo de 2014
6. ↑ (en) About 40% of Crimean Tatars take part in Crimean referendum – Prime Minister. ITAR-TASS. 16 de marzo de 2014
7. ↑ (en) Japan does not recognise Crimea vote - govt spokesman. Reuters. 17 de marzo de 2014