Sigmund Freud

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Sigmund Freud
Información personal
Calendata de naixencia	6 de mayo de 1856
Puesto de naixencia	Příbor, Moravia (Imperio Austriaco hue Rep. Checha)
Calendata de muerte	23 de setiembre de 1939
Puesto de muerte	Londres (Reino Uniu)
Enterreco	Crematorio de Golders Green
Alma Máter	Universidat de Viena
Ocupación	Psicologo
Conchuche	Martha Bernays
Fillos	Matilde (n. 1887-†1978) Juan Marti(n.1889-†1967) Oliver (n. 1891-†1969) Ernesto (n. 1892–†1970) Sofía (n. 1893–†1920) Anna (n. 1895-†1982)
Obras	Die Traumdeutung Das Unbehagen in der Kultur Totem und Tabu Drei Abhandlungen zur Sexualtheorie
Sinyal

Sigismund Schlomo Freud (Příbor, Freiberg en alemán, 6 de mayo de 1856 - Londres, 23 de setiembre de 1939), mas conoixito como Sigmund Freud, estió un medico y psicologo austriaco y o prencipal impulsor d'o psicoanalís. Ye prou conoixito por as suyas teorías sobre o inconscient y os suyos mecanismos de represión, y tamién en haber establito os metodos clinicos psicoanaliticos t'o tractamiento d'as psicopatolochías a traviés d'o dialogo entre o pacient u malauto y o psicoanalista. Freud consideraba a o sexo como uno d'os elementos motors d'a vida humana y desembolicó tecnicas terapeuticas (como o emplego de l'asociación libre), descubrindo o fenomeno d'a transferencia en a relación terapeutica establindo-ne o suyo papel central en o proceso analitico; interpretando tamién os suenios como una fuent de conoixencia d'os deseyos inconscients.