Back الشقة (فيلم) Arabic الشقه (فيلم 1960) ARZ The Apartment AST آپارتمان (فیلم ۱۹۶۰) AZB Кватэра (фільм, 1960) BE Апартаментът Bulgarian দি অ্যাপার্টমেন্ট Bengali/Bangla Apartman (film) BS L'apartament Catalan Byt (film, 1960) Czech
The Apartment (títol en anglés, en aragonés L'apartamento, enguerada en Aragón con o títol en castellano de El apartamento) ye una cinta estausunidense de l'anyo 1960 de cine de comedia, cine de romance y cine de drama, dirichida por Billy Wilder seguntes un guión d'o mesmo Billy Wilder y d'I.A.L. Diamond, con una banda sonora orichinal d'Adolph Deutsch y una dirección de fotografía de Joseph LaShelle. Producida por Billy Wilder ta la productora cinematografica The Mirisch Company, en o suyo elenco incluye a destacaus actors como Jack Lemmon, Shirley MacLaine, Fred MacMurray, Ray Walston, Jack Kruschen, David Lewis, Edie Adams, Hope Holiday, Joan Shawlee u Naomi Stevens.
En a cinta se conta la historia de Calvin Clifford, un treballador d'una oficina que, ta prosperar en o suyo treballo, cede lo suyo apartamento a los suyos chefes ta que puedan tener-ie as suyas aventuras amorosas; él ye enamorau de Fran Kubelik, una d'as suyas companyeras de treballo, y bel día descubre que Fran ye l'amant d'o chefe d'a oficina, un d'os que aproveitan o suyo apartamento. A cinta s'ambienta en epoca actual d'a cinta (1960) en a ciudat de Nueva York y se filmó en ixa mesma ciudat. Se tracta d'una cinta que recibió cuantos premios y nominacions: en a 33ena edición d'os Premios Oscar recibió cinco premios (incluyius l'Oscar a la Millor Cinta y l'Oscar a lo Millor Director) y cuatro nominacions (incluyidas a l'Oscar a lo Millor Actor, a l'Oscar a la Millor Actriz y a l'Oscar a la Millor Fotografía en Blanco y Negro); en a 14ena edición d'os Premios BAFTA recibió tres premios (Millor Cinta, Millor Actor Forano y Millor Actriz Forana); y en a 18ena edición d'os Premios Globos d'Oro recibió tres premios y dos nominacions.